ازاى تتعامل مع خطيبتك؟؟؟

ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4ـ تجنب أي تصرف يدلّ على العنف والتهور، زي لما تكونوا خارجين وحدّ يبص
لها تقوم تضربه أو تتخانق معاه.. يعني من الآخر كده: خليك جنتل مان في كل
تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6ـ حسّسها دايماً بإنك قادر على تحمُّل مسئولية الحياة بعد الجواز، وده عن
طريق إنك تتكلم معاها في أمور الحياة، وتديها آراء جادة، دون الاعتماد على
آراء الآخرين.. يعني مش لما تسألك على حاجة تقول لها: معرفش.. لما أسأل
بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن
خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.
وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:
وهي إن كل طرف يكون عنده استعداد يتغيّر للحاجة اللي بيحبها الطرف التاني،
وحابب إنه يشوفها فيه.. وخاصة إذا كان التغير ده هيكون للأحسن.

الحاجة التانية:
بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف
التاني على شكل أوامر إذا لم تنفذ فإن العقاب سوف ينزل..

عضو عدد المساهمات : 92 تاريخ التسجيل : 19/12/2009

شكرا جزيلا لك مديرنا على الموضوع دا والمفروض ان كل اتنين مخطوبين يعملو كده بس للاسف اغلب
الخطاب دلوقت مزيفين بيقولو كلام وخلاص ويقول كلام وبس لكن وقت الجد تقدر تقول كده بينفد بجلدو
لانه حس انه اتورط فى حاجه هو مش ادها ولما يتواجه بكلامه دا يقول هو الكلام على جمارك
عادى الكل بيقول كلام لكن فعل مفيش اما بالنسبه للهدايه وانه يحسسها احلى واجمل بنت وانها الى بيتمناها
دا بيكون لوقت قصير مش دايما لان وقت الحب والزمن الجميل مات من زمان من ايام روميو وجوليت وعنتر وعبله
قيس وليلى دا كان فعلا الحب الحقيقى مش دلوقت حاجه مزيفا واحساس كداب انا واثقه من كلامى دا ومتاكده منه
بس انا مجربتوش والحمدلله لان خطيبى كويس جدا بس انا بتكلم على الناس التانيه ياريت كل واحد يشوف فى خطيبتو
انها امه واخته وحبيبته وزوجته وكل حاجه ليه وكذالك الامر للخطيبه مع خطيبها علشان يضمنو انهم يعيشو سعدا
طول حياتهم

دا رئييى يارب تتقبلوه

اميـــــــــــــــــ الاحــــــــــــزان ــــــــــــــــــــرة

نصائح جميلة لا تخرج الا من انسان يحب الخير للجميع
فما اجملها من نصائح
لك الف تحية مديرنا الغالى و جزاك الله عنا خير الجزاء

مشرف عدد المساهمات : 347 تاريخ التسجيل : 23/11/2009

موضوع جميل استاذ أحمد
واتمني ان يسود الاحترام بينهم قبل كل شئ
وان يتقو الله في انفسهم وان يبتعدو عن الشبهات وان لا يختلو حتي لا يقعو في
أخطاء يحرمها الشرع والدين وكلام العطف والحب الذي تتحدث عنه اتمني ان يكون كلام في حب الله
وكلام في حب الرسول عليه الصلاة والسلام ويتبادلون جلساتهم وتكون حواراتهم من هذا النوع
ويكون كلامهم أيضا وهداياهم من سنن طيبات الله وشرعه ولا مانع ان يتحدثو عن المستقب كيف نبني عشا زوجيا خالصا لله وتكون الحياة سعيده بطاعته وننشأ
ذرية صالحة تخرج للمجتمع علي طريق الله وهدايته
وبهذا تتأسس الحياة السعيده طالما هي كانت من أهل التقوي والفلاح وان ينظر لها بعد الزواج بعين الرضا والطمأنينه
وان يراعي حقها وهي تراعي حقه ولكن يكون بين يديهم راية الشرع والدين وتقوي الله
لأن تقوي الله هو خير وابقي من كلام الحب والهدايا والامور التي لا وجود لها ان ضاع حق الله وتقواه