السلام عليكم ورحمة الله وبركاته
ازيكم يابنات
علي فكرة زعلانه منكم خالص خالص كتير يعني
علشان مش لاقية ردود علي موضوعاتي
ولا بتكلموني عن اي حاجة
لكن معلش علي فكرة النهاردة جبتلكم اكله انا شخصياً
بحبها مووووووووووووووت
واكيد انتوا بردوبتحبوها
واكيد بردوا في ناس بتحبها بس مبتعرفش تعملها
وعلشان كدا انا جبتهالكم
وبلاخص لاجل عيون حبيبة قلبي ( رانيـــــــــــــــا ) بنت اغلي واحب واحن اخت وام في الوجود
مبسوطه ياست البنات اكتبي بقي المقدير :
المقادير
فرخه نظيفه ومقطعه او صحيحه زي ما تحبوا
بصله كبيرة مقطعه
البهارات ( ملح - فلفل اسود - بابريكا - توابل مشكله - جوزة الطيب - كمون )
ربع كوب خل ابيض
والمهم في الوصفه دي بقه ( صوص الصويا )
ومعلقه صلصة كبيرة
وفصين توم
الطريقه :
بعد تنظيف الفراخ وتقطيعها نقوم بحزها بالسكين لنصنع فتحات فيها من كل الجوانب لدخوا التتبيله فيها بسهوله
نتبل الفراخ بكل المكونات كل التوابل والبصل والتوم والخل وصوص الصويا
ونضعها في الصينيه ونضعها علي النار لمده ربع ساعه بس هتنزل علي السوائل اللي فيها وتبدأ تستوي علي طول نضعها في الفرن علي درجه حرارة عاليه هتستوي وهتتحمر واللون الاحمر الجميل اللي هتشوفوه ده من البابريكا وهي اساسيه في الوصفه (الفلفل الاحمر الحلو الغير حار) وصوص الصويا طبعاااا
وتطلعيها من الفرن بعد كدا واو خطييييرة
وشكل الصوص بتاعها يجنن علي فكرة
ممكن يتاكل لوحده بالخبز
ودي اكله صحية لانها بدون زيت ولا دهون للناس اللي عايذين رجيم ها ( اكيد عارفين نفسهم صح هههههههه )
عاوزة رأيكم بصراحة ؟؟؟؟
وبألف هنا وشفا جربوها ومش هتندموا
مستنيه رأيكم